മഹറമാകുന്നതെപ്പോൾ

ഷെയ്ഖ് മുഹമ്മദ് ഇബ്നു ഹിസാമിനോട്‌ (حفظه الله)
ചോദ്യം:
(മുലയൂട്ടൽ കൊണ്ട്) ഒരു കുട്ടി മാതാവിന്റേതാവാൻ എത്ര തവണ മുലകൊടുക്കപ്പെടണം?
www.aburavaaha.blogspot.com
ഉത്തരം:
       ഈ വിഷയത്തിൽ ഇമാം ഷാഫി رحمه الله യുടെ അഭിപ്രായമാണ് ഏറ്റവും ശരിയായിട്ടുള്ളത്. മുസ്ലിമിൽ ആയിഷ رضي الله عنها യിൽ നിന്ന് വന്നിട്ടുള്ള ഹദീസ് ഇങ്ങനെ വായിക്കാം:
       "അറിയപ്പെടുന്ന നിലയിൽ പത്തു പ്രാവശ്യം മുലപ്പാൽ കുടിച്ചാൽ വിവാഹം നിഷിദ്ധമാണെന്നായിരുന്നു ഖുർആനിൽ ഇറക്കപ്പെട്ടിരുന്നത്. പിന്നീട് അത് അഞ്ചു പ്രാവശ്യത്തെ മുലപ്പാൽ കുടി കൊണ്ട് എന്ന നിയമം കൊണ്ട് ഒഴിവാക്കപ്പെട്ടു. അത് ഖുർആനിൽ ഓതപ്പെട്ട് കൊണ്ടിരിക്കെ റസൂൽ ﷺ മരണപെട്ടു."
      അഞ്ചു തവണ കൊടുത്താലാണു വിവാഹം നിഷിദ്ധമായിത്തീരുക, വയറു നിറയെ കുടിക്കണമെന്ന നിബന്ധനയില്ല. അതല്ലാതെ ചില പണ്ഡിതന്മാരോ ആളുകളോ പറയുന്നത് പോലെ വയറു നിറയെ മുലയൂട്ടണമെന്ന  നിബന്ധന ഇല്ല, മറിച്ചുള്ളത് മുലയൂട്ടിയാൽ മതി എന്നാണ്.
ഭാഷയിൽ മുലയൂട്ടൽ എന്നാൽ; കുട്ടി മുല കുടിക്കുകയും കുട്ടി നിർത്തുന്നത് വരെ മുലയൂട്ടുകയും ചെയ്യുക. ഇതിനാണ് മുലയൂട്ടൽ എന്ന് പറയുക. അത് നീണ്ടു പോയാലും കുറഞ്ഞാലും ശരി.

വിവർത്തനം:
അബൂ റവാഹ